Plete sa depasahero nga mga jeep sa bug-os nga pungsod, magasaka sa masunod nga bulan

Natalana nga ipaguwa sang Land Transportation Franchising and Regulatory Board ang rate sang saka sa pletehan sa depasahero nga mga jeep sa bug-os nga pungsod sa masunod nga bulan.

Suno kay LTFRB chairperson Atty. Cheloy Garafil, ginadesisyunan na lang sang board kun pila ang idugang sa plete.

Nagpasa sang petition nga P3 kag P4 nga fare hike ang mga transport groups.

Ginhatagan sang LTFRB ang mga petitioners sang 15 ka adlaw nga magpasa sang position paper halin sang katapusan sila nga naghiwat sang hearing sang Agosto 18. Ginpahayag ni Garafil nga ginalauman nila ang papel sa Setyembre 3 agud nga gilayon maaktuhan.

“It is only a question of how much will be given from the petition which will not have a big impact on inflation and effect on the commuters who will bear the brunt of this fare hike to be implemented,” ang pahayag ni Garafil.

Magluwas sa mga jeep, ginatun-an man sang LTFRB ang pending fare hike cases sang mga transportation network vehicle services, taxi operators, point-to-point operators, UV Express services, kag mga bus operators. –with additional information from GMA