Driver sang motorsiklo, patay sang nakabunggo sa 10-wheeler truck sa La Paz

ILOILO CITY — Patay ang driver sang motorsiklo sang nakabunggo sa 10-wheeler truck sa coastal road sakop sang Brgy. San Isidro, La Paz las-11:10 kagab-i

Ginkilala ang napatay kay Reynato Bañola, 23, sang Brgy. Ingore La Paz.

Ginamaneho ni Sandro Salvador, 49, sang Brgy. Calumpang, Molo ang truck.

Suno kay Police Master Sergeant Lougen Alarcon, traffic investigator sang La Paz Police Station, nag-counter flow ang motorsiklo sa lane sang 10-wheeler truck kabangdanan nga nagsuhot sa truck.

Gindala pa sa ospital ang driver sang motorsiklo pero gindeklarar nga dead-on-arrival bangud sang pilas sa nagkalain-lain nga parte sang lawas.

Wala driver’s license kag wala man sang helmet ang driver suno sa pulis.