P1.2 million nga balor sang suspected shabu, na-recover sa drug buy bust operation sa City Proper

ILOILO CITY — Masobra 1.2 million pesos nga balor sang suspected shabu ang na-recover sa drug buy bust operation sa duha ka lalaki sa Arthur Suite, Brgy Villa Anita, Gen. Luna Street, City Proper las 10:19 kagab-i, Setyembre 12.

Ginkilala ang mga subject kanday Paul Bryan Reyes alyas “Nonoy”, 24 anyos sang Brgy. Sambag, Jaro, kag Mario Sabidong Jr. alyas “Toto”, 27 anyos sang Landheights Subdivision, Brgy. Quezon, Arevalo.

Nabaklan ang mga subjects sang duha ka sachets sang suspected shabu nga nagabalor sang P30,000.

Magluwas sini, na-recover pa gid sa duha ang anum (6) ka sachets sang suspected shabu nga nagabug-at tanan sang 180 grams nga may market value nga P1,224,000.

Ginhimo ang operasyon sang gintingub nga pwersa sang RPDEU kag Iloilo City Police Station 1.