Preso patay sang ginbuno sang kasubong nga preso sa Iloilo District Jail sa Nanga, Pototan

ILOILO — Patay ang preso sang ginbuno sang kapareho nga preso sa Iloilo District Jail Male Dormitory sa Nanga, Pototan las 6:20 kaina sang aga.

Gin-identify ni Police Major Roy Tayona, hepe sang Pototan Police Station ang napatay kay Melvin Gimeo samtang ginkilala ang suspect kay Elbert Ganancial.

Ginpahayag ni Tayona nga gindala pa sa Iloilo Provincial Hospital sa Barangay Rumbang ang biktima apang gindeklarar nga dead-on-arrival bangud sang nagkalain-lain nga pilas sa lawas.

Padayon pa nga gina-imbestigaran ang motibo sa insidente.

Gin-athag naman ni Tayona nga wala sang riot nga natabu sa sulod sang presuhan. — via Aksyon Dave Bucayan