Iloilo Gov. Arthur Defensor, Jr., plano nga ipaidalum sa state of calamity ang probinsya bangud sa African Swine Fever
Plano ni Iloilo Governor Arthur Defensor, Jr. nga ipaidalum sa State of Calamity ang probinsiya sang Iloilo sa masunod nga semana bangud sa African Swine Fever (ASF).
Suno sa gobernador, makigsapol pa siya sa pamunuan sang Provincial Disaster Risk Reduction Management Council (PDRRMC) agud nga isturyahan ang mga papeles nga kinahanglanon sa pagdeklara sang state of calamity.
Base sa guidelines sang NDRRMC, puwede maka-deklarar sang state of calamity ang probinsiya sang Iloilo bangud may duha na ka mga banwa ang apektado sang ASF.
Sa latest nga report sang Iloilo Provincial Government 23 na ka mga barangay sa Oton kag duha sa San Miguel ang apektado sang African Swine Fever (ASF).
Una na nga nagdeklarar sang state of calamity ang Oton kag San Miguel sa paglaum nga mapunggan ang paglapta sang ASF kag mabuligan ang mga hog raisers nga apektado.
