Lalaki patay sang na-trap sa sulod sang salakyan nga gin-anod sang tubog baha sa Zarraga

ILOILO — Patay ang 50-anyos nga lalaki sang na-trap sa sulod sang salakyan nga gin-anod sang tubig baha sa Barangay Jalaud Norte, Bangga Bante, Zarraga, Iloilo la-1:30 kaina sang kaagahon

Ginkilala ang lalaki kay Roger Caro kag ang nagamaneho sang salakyan amo ang iya pakaisa nga si Elmer Lascano, 53, lunsay residente sang Brgy. Badu, Calinog.

Suno kay Police Corporal Alfred Mones, naghalin ang duha sa Balabag, Dumangas kag pakadto kuntani sa Bulalacao, New Lucena sang mapatyan sang makina sa tunga sang dalan sa Brgy. Jalaud apang bangud sa mabaskog nga daludo sang tubig, naanod ang ila salakyan kag nahulog sa creek nga ginabulubanta 10 metros ang kadalumon.

Nakaguwa si Lascano sa salakyan kag nabilin naman si Caro.

Gindala pa sa ospital si Caro apang gindeklarar nga dead-on-arrival.

Padayon nga ginabulong sa ospital ko Lascano.