10 patay, 2 missing sa W. Visayas bangud sa Bagyo Paeng

ILOILO – Gin-report sang Office of Civil Defense 6 ang 10 ka napatay sa paglaslas sang bagyo Paeng sa Western Visayas.

Base sa data sang OCD 6, may isa ka napatay sa Tapaz, Capiz; isa sa San Joaquin, Iloilo; lima sa Libacao, Aklan; duha sa Sibalom kag isa sa Hamtic, Antique nga lunsay nagkalalumos bangud sa pagbaha.

Padayon naman nga ginapangita ang duha ka gin-report nga missing sa Passi City, Iloilo kag Libacao, Aklan.

Gina-verify pa sang OCD ang iban nga gin-report nga napatay kag missing bangud sa bagyo.