20-anyos nga solterito patay sang natiphag ang duta nga ginatungtungan sang ila balay sa Igbaras

ILOILO — Patay ang 12-anyos nga solterito sang natiphag ang duta nga ginahamtangan sang ila balay sa barangay Mulangan, Igbaras las 3:30 kaina sang kaagahon.

Suno kay Police Master Sergeant Confesor Escobañes Chief Investigator sang Igbaras Police Station, gulpiyada nga natiphag ang duta sang balay sang magpamilya kag nahulog sa masobra 100 meters nga pil-as.

Out-patient naman ang 10 ka tuig nga utod sang napatay kag ang iya amay nga si Jonathan Enar.

Gin-report na sang Igbaras MPS sa ila Municipal Disaster Risk Reduction and Management Council (MDRRMC) ang insidente.