Iloilo City Police Office wala sang may na-record nga insidente sa pag-obserbar sang All Saints’ Day
Wala sang na-record nga Piyesta Minatay-related incident ang Iloilo City Police Office sa mga patyo sa siyudad kahapon, Nobyembre 1.
Suno kay ICPO Spokesperson Police Major Shella Mae Sangrines, masobra 6,000 ang nagbisita sa magkatuhay nga patyo sa siyudad.
Mas manubo suno sa iya ang nasambit nga numero kumparar sa mga nagbisita sa mga patyo antes ang COVID-19 pandemic.
Posible man nga nakaapekto sa numero ang pamahog sang bagyo Queenie nga nahimo na nga low pressure area.
Naka-full alert status ang ICPO para sa Piyesta Minatay kag gwardyado ang mga patyo, mga terminals kag iban pa nga matawo nga lugar.
