Western Visayas lakip sa mga rehiyon nga ginpaidalum sa state of calamity bangud sa epekto sang bagyo Paeng

Base sa Proclamation Number 84 nga gin-issue ni Executive Secretary Lucas Bersamin subong nga adlaw, lakip man sa ginpaidalum sa state of calamity ang Region IV-A (Calabarzon), Region V (Bicol region) kag Bangsamoro Autonomous Region in Muslim Mindanao (BARMM).

Bangud ini sa kahalitan nga dala sang bagyo Paeng sa nasambit nga mga rehiyon.

Masobra 1.4 million ka populasyon sang nasambit nga mga rehiyon ang apektado sang kalamidad suno sa Proclamation No. 84.

Magalawig ang deklarasyon sang anum ka bulan, magluwas lang kun bawion sang pangulo.