Pila ka mga gasolinahan sa Antique, nagpanirado na bangud naubos ang supply sang gatong

Nagpanirado na ang pila ka mga gasolinahan sa Poblacion, Patnongon, Antique bangud sang kulang nga supply sang gatong.

Sa pagpangusisa sang Aksyon Radyo Iloilo News Team, una nga naubos ang gasolina samtang ginpaubos na lang kaina ang supply sang krudo.

Indi makadul-ong sang supply sang gatong sa probinsya bangud sang naguba nga taytay sa Oyungan, Miagao kag pila ka mga karsada kasunod sang paglaslas sang bagyo Paeng.