Mangunguma patay sang ginlampusan sang pugakhang sa Barotac Viejo
ILOILO — Patay ang 47-anyos nga mangunguma sang ginlampusan sang pusil sa tangkugo sang kapareho niya man nga mangunguma sa Brgy. San Geronimo, Barotac Viejo, Iloilo las-5 kahapon sang hapon.
Ginkilala ang napatay kay Roger Pantonial, samtang ang suspect ang ginkilala naman kay Marvin Balderas, 41-anyos lunsay mga residente sang nasambit nga barangay.
Suno kay Maj. Ciriaco Esquelarga, hepe sang Barotac Viejo Police Station, gintayaan sang biktima sang home-made 12-gauge shotgun ang suspect sang nagsugat-anay sila sa dalan.
Pero na-agaw sang suspetsado ang pusil kag ginlampos sang duha ka beses sa tangkugo sang biktima.
Base sa imbestigasyon sang police, Nobyembre 5 sang nagpa-blotter sa police station ang biktima nga gin-demolish ang iya balay.
Posible nga nagpati ang biktima nga isa ang suspetsado sa mga nagguba sa iya balay rason nga iya gintimalusan.
Nag-surrender sa police ang suspect kag na-recover man ang pusil nga iya gingamit sa paglampos sa biktima.
