Tigbauan LGU nagpahamtang sang Lechon Avenue para sa mga manuglitson sa banwa nga luyag magbaligya sang ila produkto

Nagsugod kahapon ang Lechon Avenue sang Tigbauan LGU para sa mga manuglitson nga luyag magbaligya sang ila produkto.

Ginbutang ang Lechon Avenue malapit sa national highway.

Suno kay Mayor Virgilio Teruel, bukas ang Lechon Avenue kada Mierkules kag Domingo.

Ginahaylo naman sang Tigbauan LGU ang mga manuglitson nga may permit nga magpasakop sa nasambit nga aktibidad.

Katuyuan sini suno sa alkalde nga mabuligan ang mga hog raisers sa banwa.

Wala pa sang may na-record nga kaso sang African Swine Fever ang Tigbauan.

Ginpahayag ni Mayor Teruel nga mapasakop man ang Tigbauan sa Pork Festival nga ginaplano sang Iloilo Provincial Government. — with reports from Aksyon Sav Pamplona