Pagbaligya kag pag-inom sang makahulubog nga ilimnon sa Iloilo City tubtob na lang las 12 sang tungang gab-i

ILOILO CITY – Tubtob na lang las-12 sa tungang gab-i ang pagbaligya kag pag-inom sang makahulubog nga ilimnon sa siyudad.

Ini makaligad nga gin-amendaran ni Mayor Jerry Treñas ang Executive Order (EO) No. 49, Series of 2022 may kaangtanan sa pagbaligya sa publiko kag pag-inom sang makahulubog nga ilimnon kag iban nga alcoholic beverages sa siyudad.

Base sa EO No. 49-A ni Mayor Treñas, pasugtan ang pagbaligya kag pag-inom sa pampubliko nga lugar halin las-8 sa aga tubtob las-12 sa tungan gab-i.

“There is a need to amend the EO due to recent prevalence of loitering and bar fighting while under the influence of liquor,” suno sa alkalde.

Ginrason sang siyudad nga nagadamo ang mga bars, night clubs, disco bars, restaurants, resto bars kag kasubong nga establisemento nga naga-engage sa “unregulated dispensation of liquor and other intoxicating drinks” bisan sa kaagahon kag kun adlaw nga naga-resulta sa “improper conduct and harmful behavior of consumers.”

Sang Disyembre 3, gin-report ang rambol sa The Versteck sa San Rafael, Mandurriao.