Babaye nahulog sa taytay sa Tabucan, Mandurriao

ILOILO CITY — Nadayunan nga nahulog sa taytay ang 27-anyos nga babaye nga tuyo maglumpat sa Carpenter’s Bridge sa Barangay Tabucan, Mandurriao las 3:00 kaina sang kaagahon.

Naglakad sa barrier si alyas Tata para maglumpat sa taytay pero nakadalin-as rason nga nadayunan na lang nga mahulog.

Nakit-an sang security guard sang The Medical City ang babaye rason insigida nga nagtawag sang bulig kag na-rescue ang babaye.

Naka-inom sang makahulubog nga ilimnon ang babaye, suno sa pulis nga nagresponder.

Sa panaysayon sang babaye, may problema siya sa iya pamilya.

Ginbulong sa ICER ang babaye antes ginturn-over sa Mandurriao police para ma-contact ang pamilya.