Financial assistance sang Iloilo Provincial Government para sa mga backyard hog farmers nga apektado sang ASF nahatag na sa Oton, San Miguel LGU

ILOILO – Ginturn-over sang Iloilo Provincial Government ang masobra P2.1 million sa mga backyard hog farmers nga apektado sang African Swine Fever (ASF) sa Oton kag San Miguel.

Kadungan ini sang paglunsyar sang TaHuM campaign batok sa ASF kagab-i, Disyembre 16.

Sa nasambit nga kantidad, P1.6 Milyon ang ginhatag sa Oton LGU kag P500,000 naman sa San Miguel LGU.

Sa executive order ni Iloilo Governor Defensor, Jr., mahimo nga makabaton sang tag-P7,000 ang kada backyard farmer nga gin-depopulate ukon ginpamatay ang isa tubtob pito ka mga baboy; P10,000 sa pito tubtob napulo ka mga baboy nga gin-depopulate; P15,000 sa 11 tubtob 15 ka baboy nga ginpatay; P20,000 sa 16 tubtob 20 ka baboy nga gin-depopulate; P25,000 sa may 21 tubtob 25 ka baboy nga gin-depopulate kag P30,000 kun may 26 ka baboy pasaka nga ginpatay. –via Cedrick Anona