Pamilya sang 7 ka tuig nga bata nga nasapwan patay sa Estancia daku ang pagpasalamat sa nabaton nga bulig halin sa mga tagpalamati kag FB followers sang Aksyon Radyo Iloilo
(Updated December 25 as of 7:46am) Madamo ang natandog sa natabo sa pito ka tuig nga bata nga babaye nga ginpatay kag nasapwan nga wala na sang pang-idalum nga panapton sa Barangay Gogo, Estancia sang Disyembre 19.
Sa pagpangusisa sang Aksyon Radyo Iloilo, pigado ang pamilya sang bata, tricycle driver ang amay samtang wala sang trabaho ang iloy.
Nag-apelar man sang bulig ang pamilya agud mapalubong ang bata.
Bilang sabat sa madamo nga nagtan-ay sang bulig sang nahibaluan kag nakita ang sitwasyon sang pamilya, ang Aksyon Radyo Iloilo nag-activate sang G-Cash number sa diin puwede makapadala sang pinansyal nga bulig para sa pamilya sang bata.
As of 1:00pm sang Disyembre 24, naglab-ut na sa P48,985 ang natipon sang estasyunan sa halin sa mga tagpalamati kag FB followers nga natandog ang balatyagon sa panawagan sang pamilya sang ginlunsar Aksyon Radyo Iloilo Operation Bulig
Sa amo nga kantidad, P10,000 diri ang napadala na sa pamilya.
Para sa inyo dugang nga bulig, mahimo magpadala sa:
G-Cash number: 0917-754-1576 (Angel Mae Ciudad)
