19 ka balay nasunog sa Veterans Village City Proper

ILOILO CITY — Aga pa ginpuhag sang sunog ang mga residente sang Zone 8, Veterans Village, City Proper.

Nag-umpisa ang kalayo las 5:30 kaina sang kaagahon.

Ginbudlayan pa ang mga bombero sa pagpalong sang kalayo bangud tuman ka kitid sang dalan pasulod sa area.

14 ka balay ang totally damaged kag lima ang partially damaged base sa record sang Bureau of Fire Protection Iloilo City.

Suno kay FO1 Jake Ronald Solis sang BFP-Iloilo City, base sa ila initial nga imbestigasyon nag-ibwal ang kalayo sa boarding house ni Charlie Escopel. Apang indi pa matumod kun paano gid nag-umpisa ang sunog.

Las-5:36 kaina sang kaagahon gin-report ang sunog kag gindeklarar nga fire out las-6:11 sang aga.