21-anyos nga lalaki patay sang nakabunggo ang motorsiklo sa nasumalang nga SUV sa Oton
ILOILO — Patay sang 21-anyos nga lalaki sang nakabunggo ang ginamaneho nga motorsiklo sa nasumalang nga SUV sa Brgy. Trapiche, Oton las 10:30 kagab-i.
Ginkilala ang biktima kay John Carlo Sales sang amo man nga lugar samtang ginkilala ang driver sang Isuzu Sportivo kay Arnold Bico sang Hamtic, Antique.
Gindala pa sa ospital ang biktima apang gindeklarar nga dead-on-arrival bangud sang pilas sa ulo.
Suno kay Police Staff Sergeant Johannes Sorongon, traffic investigator sang Oton Police Station, naga-ikis-ikis ang dalagan sang motorsiklo tubtob naagaw sini ang linya sang SUV.
Pauli na sa Antique ang driver sang SUV sang na-aksidente.
Wala sang helmet ang biktima.
Nag-aregluhanay ang pamilya sang biktima kag driver sang SUV.
