Anay pulis nga suspek sa pagpang-hold up sa Sara kag suspek man sa pag-hold up kag pagpatay sa chief security guard sa Carles nakapiyansa

ILOILO — Nakapiyansa si Lyman John Ochenta, ang dismissed police officer nga suspek sa pagpang-hold up sa Sara sang damlag lang kag suspek man sa pag-hold up kag pagpatay sa chief security guard sa Carles.

Suno kay Police Corporal Rio Bañares, imbestigador sang Sara Police Station, gin-release si Ochenta sang naka-process sang piyansa nga surety bond nga P80,000.

Si Ochenta ang gindakop kag ginpasakaan sang kaso bangud gintudlo nga nag-hold up sa supervisor sang J&T Express sa Apologista, Sara sang Disyembre 20 sa diin P1.2 million ang nakuha sang mga suspek.

Una diri, suno kay Police Major Robert Jayson Pancha, hepe sang Carles Police Station, may testigo sila nga nagtudlo kay Ochenta nga isa sa mga nag-hold up sa mga sakay sang motorbanca sang Setyembre 2022 nga ginkapatay sang chief security guard.

Na-dismiss sa serbisyo si Ochenta bangud sa kaso administratibo nga grave irregularity in the performance of duty sang 2017.