9 cases sang fireworks-related incidents na-record sang DOH, as of Dec. 27

ILOILO — Naka-record sang siyam (9) ka mga kaso sang Fireworks-Related Incidents (FWRI) ang Department of Health Western Visayas-Center for Health and Development sa rehiyon halin Disyembre 21 tubtob 27, 2022.

Sa latest report sang DOHWV-CHD, na-record ang anum (6) ka mga kaso sa Iloilo Province kag tatlo (3) naman sa Negros Occidental.

Suno kay Dr. May Ann Soliva-Sta. Lucia, Officer-In-Charge Chief sang Local Health Support Division sang DOHWV-CHD, manubo ang kabug-usan nga kaso sang FWRI sa amo nga period sang 2021 nga may yara sang pito (7) ka mga kaso.

Padayon naman nga gina-obserbar sang mga health facility ang “code white” ukon pag-standby sang mga ambulansiya bilang preparasyon sa tiun sang emerhensya. — via Aksyon Cedrick Anona