Balay sang barangay kapitan sa San Isidro, Jaro nasunog

ILOILO CITY — Partially damaged ang balay ni San Isidro, Jaro Punong Barangay Felix Dureza sang nasunog subong nga kaagahon.

Suno kay Punong Barangay Dureza, may nabati-an siya nga linupok sang nagguwa siya mga las-3:30 sang kaagahon tubtub nga nanotisyaran nga nagakasunog na ang porsyon sang iya nga balay.

Wala na naglaton ang kalayo sa iban pa nga parte sang balay kag kaiping nga pamalay bangud gilayon nga napalong sa bulig sang mga residente, tanod kag madasig nga pagresponde sang mga bombero.

Gina-imbestigaran pa sang BFP Iloilo City ang ginhalinan sang sunog.