Reklamo sang mga personnel sang WV Sanitarium sa Santa Barbara, Iloilo pa-imbestigaran ni DOH Usec Cascolan

ILOILO — Pa-imbestigaran ni department of health undersecretary Camilo cascolan ang reklamo sang mga empleyado sang Western Visayas Sanitarium General Hospital sa Santa Barbara, Iloilo. 

Kasunod ini sang pagwelga sang mga empleyado sang ospital kadungan sang pagbisita ni Cascolan.

Ginpahayag ni Cascolan nga yara sa ensakto ang ginapakigbato sang mga empleyado gani dapat ini nga imbestigaran agud mahibaluan kun may yara pa gid sang iban nga reklamo ang mga personnel batok sa management sang ospital.

Mapadala sang investigation team si Cascolan agud mag-usisa sa reklamo lakip na ang pag-interview sa mga empleyado.        

Pila sa ginareklamo sang mga empleyado amo ang wala mahatag nga benepisyo kasubong sang 2020 Performance-Based Bonus (PBB), Productivity Enhancement Incentive (PEI), Philippine Health Insurance Corporation sharing, Collective Negotiation Agreement (CNA), Salaries, hazard pay, subsistence, kag laundry allowance. — via Aksyon Cedrick Anona