10 ka investors nagsumiter sang proposals para sa pagbalik sang Panay Railway System
ILOILO CITY — Pulo (10) na ka mga investors ang nagsumiter sang ila proposals sa Panay Railways Incorporated para sa Integrated Panay Railway System.
Ginkumpirmar ni PRI chief operating officer Captain Cesar Capellan nga nagkalain-lain nga mga kompaniya halin sa Saudi Arabia, Turkey, England, China, Japan kag Pilipinas ang nagpadala sang ila letter of interest para sa proyekto.
Naka-schedule naman suno sa iya sa Enero 15 sa masunod nga tuig ang pag-abot sa siyudad sang Iloilo sang investor halin sa Turkey agud mag-courtesy call kay Mayor Jerry Treñas kag sa infrastrucuture chairman sang National Economic and Development Authority ukon NEDA agud magpresentar sang ila proposal.
Ginpahayag ni Capellan nga wala sila nakahatag sang deadline sa pagbaton sang mga proposals halin sa mga investors.
Kun masapol na sang PRI ang tanan nga investors, madihon ini sang Memorandum of Understanding (MOU) kag maga-conduct sang bidding para sa railway project.
Ang Panay Railway nga nagalaba sang 117 ka kilometro halin Iloilo City pakadto Roxas City ang nalakip sa mga programa nga ipatuman sa idalum sang administrasyon ni President Ferdinand Marcos, Jr.
