6 ka tuig nga bata nga babaye nga ginpatay sa Estancia nagapakita sa damgo sang iya amay kag nagapangayo sang bulig

ILOILO –Ginapadamgo sang anum ka tuig nga bata nga babaye ang iya amay kag nagapangayo sang bulig nga madakpan ang nagpatay sa iya sa Barangay Gogo, Estancia.

Suno kay Joven Mahinay, amay ni Jacqueline, ang bata nga ginpatay kag nasapwan sang disyembre 19 sang gab-I, may ginatudlo nga lalaki sa damgo ang iya nga bata apang indi niya makita ang hitsura bangud nga madulom.

Sa initial nga pagpakig-istorya ni Joven sa Estancia police, ginsugid sa iya nga ginhimuslan ang iya bata kag ginlampusan sang matig-a nga bagay ang ulo base sa autopsy result.

Nagpasalig man suno sa iya ang Estancia police nga mahatagan sang hustisya ang kamatayon sang iya bata.

Nagpanawagan naman si Joven sa mga may ihibalo sa natabo nga magsugid kag itudlo ang suspek para sa kalinungan sang kalag ni Jacqueline.