Barangay tanod nakuhaan sang pusil sa Leganes arestado

ILOILO — Arestado ang barangay tanod sang nakuhaan sang pusil sa KTV bar sa Poblacion, Leganes sang weekend.

Ginkilala ang arestado kay Pedro Suarnaba, 58-anyos sang Brgy. Agutayan Lupa, Sta. Barbara.

Suno kay Police Master Sergeant Leo Barnuevo, imbestigador sang Leganes Police Station, naga-videoke samtang naga-inum si Suarnaba sang nakuhaan sang 38 caliber revolver nga may apat ka bala kag isa ka basiyo sang nag-conduct sang “Oplan Bakal Sita” ang Leganes police sa mga KTV Bar houses sang Disyembre 31.

Wala sang may ginpakita nga papeles sa iya ginasukbit nga pusil ang barangay tanod rason nga gin-aresto.