25-anyos nga laborer dakup sa drug buy bust operation sa Balasan

ILOILO — Arestado ang 25-anyos nga laborer sa drug buy bust operation sa Brgy. Pani-an, Balasan kagab-i, Enero 12.

Ginkilala ang subject kay Rimar Bermodo, sang amo man nga barangay.

Nabaklan ang subject sang isa ka sachet sang suspected shabu sa balor nga P500, samtang na-recover pa gid ang dugang nga isa ka sachet sang illegal drugs kag P1,000.

Suno kay Police Captain Alexander Lauron, hepe sang Balasan Municipal Police Station, drug surrender ang subject kag nagaduso sang illegal drugs sa kaiping nga mga kabanwahanan.

Gin-ako sang subject nga nagagamit siya sang illegal drugs pero ginpanginwala niya nga nagabaligya siya.