Masobra 20 ka indibidwal apektado sang road widening sa idalum sang Ungka flyover

ILOILO — Masobra 20 ka mga indibidwal ang apektado sang road widening sa idalum sang Ungka Flyover.  

Ginpasiguro ni Department of Public Works and Highways 6 Regional Director Nerie Bueno nga wala ginpabay-an sang ahensya ang tanan nga indibidwal nga apektado sang proyekto.  

Ginpa-assess na niya sa DPWH kun pila ang ihatag nga balayran sa mga apektado nga indibidwal.

Ginpaathag ni Bueno nga ang pagpalapad sang dalan ang ikaduha nga lihok agud maghagan-hagan ang trapiko sa Ungka flyover kag kun pananglitan indi magpasugot taga-Bureau of Design (BOD) nga buksan temporaryo sa publiko ang duha ka lane sang flyover.  

Ginpasalig man ni Bueno kay Treñas nga ubrahon nila sang 24-oras ang pag-construct sang dalan agud makahingagaw sa Dinagyang 2023.