Mga telcos nasunod ang memorandum sa signal shutdown sang Dinagyang Festival — NTC
Nasunod sang telecommunications company ang memorandum may kaangtanan sa signal shutdown sa Dinagyang Festival 2023, suno sa National Telecommunications Commission (NTC) 6.
Suno kay NTC 6 regional director Engr. Leah Doromal, base sa ila pag-monitor, napatuman sang telcos ang signal shutdown sa na-specify nga oras kag mga areas.
Ginpabutyag niya nga ang mga cellsite nga naga-transmit sang signal sa specific areas amo ang gin-off sang mga telcos.
Gin-athag naman ni Engr. Doromal nga indi malikawan nga may maapektuhan nga lugar nga malapit ukon kaiping sang priority areas tungod nakadepende ini sa kalapadon sang signal nga ma-cater sang cellsite.
May yara sang nagkalain-lain nga signal coverage ang cellsite kasubong sang LTE, 5G, kag 4G rason nga lain man ang radius nga ma-cater sini, suno kay Doromal.
