Hand, foot and mouth disease mahimo nga matapna paagi sa pag-obserbar sang minimum health protocol
ILOILO — Mahimo nga matapna ang hand, foot and mouth disease (HFMD) paagi sa pag-obserbar sang minimum health protocol
Ini ang panugyan ni Provincial Health Office head, Dr. Ma. Socorro Quiñon kasunod sang na-record nga mataas nga kaso sang nasambit nga balatian sa probinsya sang Iloilo.
Suno kay Quiñon, kinahanglan ang masami nga pagpanghinaw sang kamot ukon hand hygiene, likawan ang close contact sa infected person, maggamit sang face masks kag i-dispose sang maayo ang higku sang infected nga indibidwal.
Ginapanugyan naman sa mga infected individuals nga likawan ang face-to-face activities pareho sang pagkadto sa eskwelahan samtang may yara pa sang lamuti ukon mga bitug-bitog sa lawas kag may hilanat.
Masami suno sa iya nga mild lang ang HFMD kag indi na kinahanglan ang admission sa ospital magluwas lang kun dehydrated ang infected person.
Base sa data sang Iloilo Provincial Epidemiology and Surveillance Unit (PESU), mga kabataan ang apektado sang balatian.
24 ka mga banwa sa probinsya sang Iloilo ang naka-record sang kaso sang HFMD halin Enero 1 tubtob 22 subong nga tuig.
