Iloilo Gov. Arthur Defensor, Jr. ginhatagan sang 10 ka adlaw agud magpili sang IPPO Director

ILOILO – Ginhatagan sang Police Regional Office (PRO) 6 si Governor Arthur Defensor, Jr. sang 10 ka adlaw agud nga magdesisyon kun sin-o ang napilian niya nga director sang Iloilo Police Provincial Office.

Suno sa gobernador, subong nga semana nag-abot sa iya opisina ang biodata sang mga kandidato nga ginpadala sang PRO 6.

Ginahatag naman ni Defensor kay PRO 6 Director PBGEN Leo Francisco ang pagpaguwa sang pangalan sang bag-o nga magapamuno sa IPPO.

Una na nga ginkumpirmar sang gobernador nga Officer-In-Charge (OIC) lang ang status si PCOL Noel Aliño sa IPPO.