Motion for Reconsideration sang Task Force PALIBOSFER gin-deny sang Provincial Prosecutor’s Office
Gin-deny sang Iloilo Provincial Prosecutor’s Office ang motion for reconsideration (MR) sang Task Group PALIBOSFER (Parohinog-Libao-Bosque-Fernandes) may kaangtanan sa Estancia killings.
Sa tatlo ka pahina nga joint resolution, gintumod sang Provincial Prosecutor nga na-apply ang rules may kaangtanan sa custodial investigation ilabe na sa pagkuha sang written statements ni Jevron Parohinog, ang lone survivor sa krimen.
Sa argumento naman nga nagapakita sa mga ebidensya nga nakomiter sa Estancia ang krimen, ginpahayag sang Prosecutor nga wala naghatag sang ano man nga clarification ang mga imbestigador may kaangtanan sa ila statement sa Final Investigation Report sang Nobyembre 18, 2022 nga may mabaskog nga ebidensya nga nagapakita nga ginpatay ang mga biktima sa iban nga lugar.
Ini magluwas pa sa lugar nga malapit sa bulangan sa Villa Pani-an, Estancia sa diin nasapwan ang bangkay sang tatlo ka mag-abyan nga JP Bosque, Floyd Fernandes kag Mark Libao sang Setyembre 14 sang nagligad nga tuig.
Nobyembre sang nagligad nga tuig sang gin-file ang kaso batok sa 11 ka mga suspects sa Estancia killings.
Ang mga ginpasakaan sang tatlo ka counts sang murder amo sanday Jevron Parohinog, lone survivor sa krimen, Jix Prohinog, utod ni Jevron, Michael Porras, Michael Quiatchon, Benzen Llamado kag anum (6) ka mga John Does.
Read background: https://bit.ly/3WdUvi7
Read background: https://bit.ly/3W0HkB3
Disyembre 2022 sang gin-dismiss sang Prosecutor ang kaso nga murder nga gin-file batok sa mga suspects sa Estancia killings bangud wala sang probable cause. (https://bit.ly/41k6jCg)
