Lalaki nga nagtabon sang Philippine flag sa naga-park nga salakyan gin-custody sang pulis
ILOILO CITY — Gin-custody sang Mandurriao police ang 25-anyos nga lalaki nga naggamit sang Philippine flag agud itabon sa salakyan nga naga-park sa Brgy. PHHC Block 17, Mandurriao.
Suno kay Plt. Joebert Amado, deputy chief of police sang Mandurriao Police Station, pasado las-8 sang may nagtawag sa ila nga concerned citizen kag nagpahibalo sa ginhimo sang lalaki.
Gilayon naman nga ginpadulungan sang kapulisan ang lugar kag nakita ang flag nga nakatabon sa salakyan kag natukiban nga ang 25-anyos nga lalaki ang naghimo sini.
Ginsugo lang sang tag-iya ang 25-anyos nga tabunan ang salakyan, pero wala siya nagdumdom nga Philippine flag ang gingamit.
Ginpabutyag naman sang 25-anyos nga wala siya nakahibalo nga ginadumilian ang paggamit sang hayahay sang Pilipinas nga itabon sa salakyan.
Base sa Republic Act No. 8941 ukon ang “Flag and Heraldic Code of the Philippines,” bawal nga gamiton ang flag sang Pilipinas nga tabon sa mga salakyan kag i-display sa indi nagakaigo nga lugar kag iban. (https://bit.ly/2tC20Uy)
