Lapsag nga nalapnos ang panit sa sunog sa Passi City kritikal sa ospital tungod sa na-develop nga pneumonia

ILOILO — Kritikal ang kondisyon sang duha ka bulan nga lapsag nga nalapnos ang panit sa nasunog nga balay sa Brgy. Agtambo, Passi City.

Suno sa tiya sang lapsag nga si Cherry Mae Pacheco, gin-pneumonia pa gid ang lapsag tungod sa aso nga nahaklo niya sa sunog.

Magluwas sa komplikasyon sa baga, nagka-impeksyon man suno sa tiya ang pilas sa nagkalain-lain nga parte sang lawas sang lapsag.

Dugang ni Cherry Mae, nagdangat sa 55% nga panit sang bata ang nalapnos sa sunog suno man sa doktor.

Padayon nga gina-close monitor ang kondisyon sang lapsag nga yara subong sa Intensive Care Unit sang Western Visayas Medical Center.

Nagapanawagan man sang bulig ang pamilya Pacheco para sa lapsag kag sa iloy iya nga nagapabilin sa ospital.

Makig-angut lang sa numero 09560436120 (Jhoven Destacamento Pacheco)