18-anyos nga lalaki patay sang nakuryente sa Passi City
ILOILO — Patay si John Marvin Carleti, 18-anyos sang Sitio Agbatuan, Barangay Tagubong, Passi City sang nakuryente kahapon, Marso 15.
Suno kay Police Lt. Colonel Dennis Pamonag, hepe sang Passi City Police Station, nasapwan na lang si Carleti sa sulod sang tiyangge nga iya ginabantayan nga nagakaya kag naga-uyat sa open wire.
Nagapati ang tiyo nga tag-iya sang tiyangge nga hubog ang iya hinablos sang nagpauli kag disgrasya nga nauyatan ang live wire.
Wala na sang plano nga ipa-autopsy ang bangkay ni Carleti tungod kumbinsido ang iya pamilya nga wala sang foul play sa insidente.
