25 ka balay nasunog sa Jalandoni Estate, Lapuz

ILOILO CITY — Nasunog ang 25 ka pamalay sa Jalandoni Estate, Lapuz kahapon, Marso 17.

Sa pinaka-ulihi nga data sang City Social Welfare and Development Office, 12 ka balay ang totally damaged kag 13 ang partially damaged.

Nagalab-ut naman sa 45 ka pamilya ukon 177 individuals ang apektado sang sunog —85 ka mga indibidwal ang nagapabilin sa evacuation center sa Jalandoni Memorial Elementary School.

Suno kay Annilyn Jamora nga isa sa mga nasunugan, naghalin ang kalayo sa balay ni Malia Vicente sa atubang lang sang iya balay. Wala gid sang nasalbar nga kagamitan si Jamora tungod gin-una niya luwas ang iya duha ka bata. Nasunog suno sa iya ang ginabanta P30,000 nga savings sang iya bana. –via Justice Savvanah Pamplona/Cedrick Pamplona