12 ka balay nadalahig sa sunog sa Rizal Lapuz Sur, Lapuz subong nga aga

ILOILO CITY — Pito ka balay ang totally damaged kag lima ang partially damaed sa sunog sa Lapuz kaina sang aga, Marso 18.

Natabu ang sunog sa Rizal Lapuz Sur, Lapuz. Padayon pa ang imbestigasyon sang BFP Iloilo City kun ano ang ginhalinan sang sunog.

Sa interview sang Aksyon Radyo Iloilo news team sa tag-iya sang isa sa mga balay nga nasunog nga si Sapero Dorvan, posible suno sa iya nga linya sang kuryente ang ginhalinan sang kalayo.

Nagsugod ang sunog mga las-nueve sang aga kag gindeklarar nga under control las-9:16.

Kahapon, Marso 17, 25 ka balay ang nasunog sa Jalandoni Estate, Lapuz. — via Justice Savvanah Pamplona