Iloilo Provincial Government ginasabat pa ang mga komento sang DOTr sa LPTRP sang probinsya –Provincial Planning & Development Office head Mario Nillos

ILOILO – Ginasabat pa lang sang Provincial Government ang mga komento sang Department of Transportation sa Local Public Transport Route Plan sang probinsya.

Suno kay Mr. Mario Nillos, head sang Provincial Planning & Development Office, subong nga bulan lang nabalik sang DOTr ang LPTRP sang probinsya nga ginpasa pito ka bulan na ang nakaligad.

“As of date we are trying to comply, answer the comments sang DOTr. As soon as we are able to complete this, ibalik naton na sa DOTr,” suno kay Nillos.

Ginpabutyag ni Nillos nga wala gid sang madamo nga pagbag-o sa mga ruta sa probinsya, magluwas lang sa mga nagabiyahe halin sa first towns pasulod sa Iloilo City. “Ang gin-agreehan namon sang city government nga i-allow nila ang mga first town jeepneys magsulod sa siyudad. Nabatian ko si [PSTMO Head] Mr Jeck Conlu nga wala ina nabutang sa city route plan, that is correct, because jurisdiction ina sang province.” –via Aksyon Hotline