Barangay treasurer sang Ilongbukid, San Rafael, Iloilo nadakpan nga nagabaligya sang peke sang driver’s license

ILOILO– Nadakpan sa entrapment operation ang Brgy. Treasurer sang Ilongbukid, San Rafael nga naga-transact sang peke nga driver’s license las-5 sang hapon sang Marso 28.

Ginkilala ang nadakpan kay Mary Jean Bama, 49-anyos, sang amo man nga barangay.

Suno kay PLT Gener Buena, hepe sang San Rafael Police Station, ginhimo nila ang operasyon upod ang Land Transportation Office (LTO) 6 nga nagpakuno-kuno nga magawad sang lisensya sa balor nga P5,650.

Nakuha kay Bama ang 10 ka peke nga driver’s license, resibo kag, boodle money.

Ginatinguhaan sang Aksyon Radyo Iloilo nga makuhaan sang pahayag ang arestado.