Wala na masyado sang mga dalagko nga [supplies sang illegal drugs] nga nagasulod sa [Iloilo City] — ICPO PCOL Joeresty Coronica
Wala na sang dalagko nga supplies sang illegal drugs nga nagasulod sa Iloilo City.
Ini suno kay Iloilo City Police Office (ICPO) director Police Colonel Joeresty Coronica tungod sang ila sunod-sunod nga operasyon kontra illegal drugs.
Base sa monitoring sang ICPO, tungod sang kampanya nila kontra illegal nga druga, indi na nila makit-an ang mga indibidwal nga nagabaligya sang dalagko nga supplies sadto.
Sa impormasyon ni Coronica, halin pa sa Luzon ang mga illegal drugs nga nagalab-ut sa syudad kag ginakarga sa RORO vessels via Batangas port.
Ini man ang ginadala indi lang sa syudad, kundi lakip na sa iban nga lugar sa Western Visayas.
Ginalantaw ni Coronica nga tungod sang madamo nga bagahe nga nagasulod sa RORO port, mabudlay na nga ma-monitor kun may yara sang karga nga illegal drugs ang pasahero.
Nagapadayon ang operasyon sang ICPO batok sa illegal nga druga.
