2 ka pulis nga lakip sa ginkasuhan sa pagtiro kay Glen Paloma nga ginhal-id sa Leganes mapatawag sang presscon

ILOILO — Ginkumpirmar ni PEMS Jessie Jim Rubio nga may press conference sila nga ipatawag ni PSSG Enrico Garlito Gonzales upod sa ila abogado.

Sanday Rubio kag Gonzales ang nalakip sa ginpasakaan sang kaso nga frustrated murder kag paglapas sa Section 29 (Criminal Liability for Planting of Evidence) sang RA 9165 (Comprehensive Dangerous Drugs Act of 2002) may kaangtanan sa pagtiro kay Glen Paloma nga ginbilin sa Calaboa, Leganes sang Marso 26.

Suno kay Rubio, sa presscon nila klaruhon ang ila bahin kag ipresentar ang mga ebidensya nga makapamatuod nga wala sila sang kahilabtanan sa pagtiro kay Paloma.

Gin-relieve sa ila assignment sa ICPO ang duha ka pulis kag gin-assign Regional Police Holding and Accounting Section sa PRO 6.