55K tourists ginalauman sa Manggahan Festival
GUIMARAS – Ginalauman sang Guimaras Provincial Government ang masobra 55,000 ka tourist arrivals para sa Manggahan Festival 2023.
“Kabay pa nga matupongan man naton halos ang previous naton nga mga Manggahan Festival kun sa diin maka-record kita sang 55,000 nga day foot traffic sa aton festival,” suno kay Provincial Tourism Officer Liberty Ferrer.
Buksan ang Manggahan Festival sa Abril 29 kag kada weekend may yara sang nagkalain-lain nga activies antes ang highlights sa Mayo 19 tubtob 22.
Ginpasiguro niya nga preparado naman ang transportation sector sa probinsiya agud tayuyon ang pagsulod kag pagguwa sang mga turista.
Ginpahibalo man ni Ferrer nga madamo na sang bookings sa mga accommodation establishments sa probinsiya kag may mga yara na nga fully booked na.
