Arroyo Fountain ipaidalum sa rehabilitasyon

ILOILO — Ipaidalum sa rehabilitasyon ang Arroyo Fountain sa Bonifacio Drive santu sa hingyo ni Sangguniang Panlalawigan Committee on Infrastructure chair Board Member Rolando Distura.

P1.801,928 ang ginpa-in nga pondo sang Iloilo Provincial Government para sa amo nga proyekto.

Sa project program nga ginpreparar sang Provincial Engineering Office, lakip sa ipaidalum sa rehabilitasyon ang steel works kapareho sang panel grills, plumbing kag electrical works, kag repainting sang Arroyo Fountain.

Ginakabig nga Important Cultural Property sang National Museum of the Philippines ang Arroyo Fountain.

Ang Arroyo Fountain sa atubang sang Casa Real de Iloilo ukon daan nga Iloilo Provincial Capitol ang ginpangalan kay Senator Jose Maria Arroyo, ang lolo ni former First Gentleman Jose Miguel “Mike” Arroyo, kag author sang Republic Act 3222 nga naga-establisar sang Iloilo Metropolitan Waterworks sang 1925.

Nahamtang ini sa Kilometer Zero, ang talaksan sang distansya halin sa siyudad sang Iloilo pakadto sa iban nga lugar sa isla sang Panay kag sa iban nga lugar sa Pilipinas — via Aksyon Marvin Malificiar with additional information from Wikipedia