24 ka barangay sa Calinog apektado sang pagbaha tungod sa sige-sige nga pag-ulan kahapon, Mayo 3 — MDRRMO

ILOILO — 24 ka mga barangays sa Calinog, Iloilo ang apektado sang pagbaha dala sang sige-sige nga pag-ulan tubtob kagab-i.

Suno kay MDRRMO head Rodolfo Valencia, amat-amat na nga naganubo ang tubig sa amo nga mga lugar.

Apektado nga barangays ang Baje San Julian, Poblacion Ilaya, Gama Grande, Cabugao, Alibunan, Lonoy, Tabucan, Toyungan, Malitbog Centro, Ipil, Mambiranan, Aglibacao, Lampaya kag Gama Pequeño.

Apektado naman sang landslides ang Barangays Garangan, Binolosan Pequeño kag Toyungan.

Posible nga magsaka pa ang numero, suno kay Valencia, kun magpanaug ang team sang MDRRMO.