Illegal drugs nga nagasulod sa Iloilo City nagahalin sa Manila — CDEU

Direkta nga nagahalin sa Manila ang supply sang illegal drugs nga nagasulod sa Iloilo City suno kay Lt. Col. Antonio Benitez, Jr., head sang City Drug Enforcement Unit (CDEU).

Ginpabutyag ni Benitez nga mabudlay ma-detect sa mga ports ang pagsulod sang mga illegal drugs tungod nga kadamo sang mga pamaagi sang transaksyon.

Sa subong suno kay Benitez, nagasalig lang sila sa mga intelligence reports kag sa mga impormasyon nga ginapadala sang publiko. Wala man suno sa iya nagapahuway ang ila operatiba sa paghimo sang mga anti-illegal drug operations.

Sang Biyernes, Mayo 19, malapit tunga sa milyon nga balor sang suspected shabu ang nakuha sang mga operatiba sa buy bust operation sa Molo.

Ginpahayag ni Benitez nga inugpanagtag pa kuntani sang subject ang ila na-recover nga suspected shabu sa mga street level individuals.