Kaso batok sa mga involved sa palpak nga Ungka flyover i-file sang grupo nanday Councilor Plaridel Nava sa masunod nga semana

ILOILO – Ginalauman ni Iloilo City Councilor Plaridel Nava nga ma-file nila ang kaso sa Office of the Ombudsman batok sa taga-Department of Public Works and Highways (DPWH) kag contractor nga International Builders Corporation (IBC) nga involved kontrobersiyal nga P680-million Ungka Flyover.

Suno kay Nava, “ang amon timetable is at least by next week either, Thursday or Friday, we will be able to file the criminal and administrative cases sa Office of the Ombudsman.”

Kaupod sang konsehal nga mapasaka sang kaso kanday Atty. Shiela Olid kag Atty. Dan Cartagena.

Luyag sang grupo sang konsehal nga may manabat sa kapalpakan sa Ungka Flyover tungod kuwarta sang mga taxpayers ang gingasto sa proyekto. Magluwas diri, indi man mabayaran ang huol nga gintuga sang flyover sa mga Ilonggo.

Sa subong, ginaplastar pa sang grupo ang mga dokumento sa pagpasaka sang kaso.