73-anyos nga babaye nga una gin-report nga missing sa New Lucena patay na sang nakit-an

ILOILO — Patay na sang nakit-an ang 73-anyos nga babaye nga una gin-report missing sa Brgy. Baclayan, New Lucena.

Ginkilala ang babaye kay Reginita Soldevilla.

Suno kay Police Captain Rogie Panela, hepe sang New Lucena Municipal Police Station, nakit-an ni Rex Benal ang tigulang sa tunga sang talamnan las-4:45 kaina sang hapon rason nga nag-report siya sa police.

Nagpatawag ang police sang Scene of the Crime Operatives (SOCO) agud ma-establisar kun may foul play ang kamatayon sang tigulang.