Dance instructor dakup sa drug buy bust operation sa Mandurriao

ILOILO CITY — Arestado ang dance instructor sa drug buy bust operation sa Zone 4, Barangay Airport, Mandurriao pasado las 10:00 kagab-i, Hunyo 28.

Ginkilala ang subject kay Dezi Jhon Brillantes alyas Yaci, 43-anyos, sang Barangay Monica Blumentritt, City Proper.

Suno kay Police Captain Roque Gemino III, team leader sang City Drug Enforcement Unit, nabaklan si Brillantes sang isa ka sachet sang suspected shabu sa balor nga P6,000.

Magluwas sini, na-recover pa gid sa iya ang 12 tanan ka sachets sang suspected shabu nga nagabalor sang P102,000.

Preso na si Brillantes sa Mandurriao Police Station.