Nagkalain-lain nga mga pusil, mga bala kag magazine na-recover sa 45-anyos nga lalaki sa Panit-an, Capiz

Nakuhaan sang nagkalain-lain nga pusil, mga bala kag magazine ang 45-anyos nga lalaki sang ginserbihan sang search warrant sa Brgy. Cabangahan, Panit-an, Capiz las-5:40 kahapon sang aga, Hunyo 28

Base sa report sang Police Regional Office (PRO) 6, subject sang operasyon si Roger Deita Amoroso alias Nono nga wala sang may ginpakita nga mga dokumento sa mga firearms.

Na-recover ang apat ka bala sang 12-gauge shotgun; isa ka shotgun; isa ka Llama cal. 380 pistol; isa ka Norinco cal. 9mm pistol; duha ka long-barreled air guns; isa ka magazine sang cal. 380; isa ka magazine sang cal. 45; duha ka magazine sang 9mm; 10 ka bala sang 9mm; walo ka bala sang cal. 380 live; duha ka empty shells sang cal. 9mm; isa ka empty shell sang cal. 380; kag pulo ka empty shells sang cal. 45 pistol.

Ginapanginbulahan naman ni PRO 6 Acting Regional Director PBGEN Sidney Villaflor ang kapulisan nga nag-operate sa subject.

Suno sa iya, “Ipagpatuloy po natin ang ating masigasig na pagsugpo sa mga taong nagbibigay ng kaguluhan sa ating rehiyon. Hindi po tayo titigil para sa kapakanan ng ating mamamayan at para sa kaunlaran ng ating bansa. Tulong-tulong po tayong lahat para sa matiwasay at masayang pamumuhay at malayo sa kriminalidad.”

Preso na ang subject sa Panit-an Municipal Police Station.