Criminology student dakup sa drug buy bust operation sa Mandurriao

Iloilo City—Arestado ang Criminology student sa drug buy bust operation sang Mandurriao Police Station Drug Enforcement Team sa Q. Abeto, Mandurriao pasado las-10:00 kagab-i, HUlyo 27.

Ginkilala ang subject kay Lester Dabi, 24-anyos, sang Bakhaw, Mandurriao.

Suno kay Police Captain Val Allan Cambel sang Mandurriao Police Station, masobra isa ka bulan ang ila monitoring sa subject antes nadakpan.

Nabaklan si Dabi sang isa ka plastic sachet sang suspected shabu sa balor nga P7,000.

Samtang, na-recover sa iya ang lima pa gid ka plastic sachets sang suspected illegal drugs nga nagabug-at sang 7 grams nga may standard drug price nga P47,600.